23:42 / 29.02.2024
Kurti ka udhëtuar për në Dublin të Irlandës
RTKlive
Kryeministri i Kosovës, Albin Kurti ka udhëtuar nga Mbretëria e Bashkuar për në Dublin të Irlandës.
Në kryeqytetin e Irlandës, kryeministri Kurti do të pritet dhe takohet me Kryeministrin e Irlandës, Leo Varadkar, njofton zyra për informim e Kryeministrit.
"Gjatë qëndrimit atje, kryeministri Kurti po ashtu do të zhvillojë edhe disa takime tjera zyrtare dhe do të mbajë takimin e tij të parë me mërgatën e Kosovës në Irlandë", thuhet në këtë njoftim.
Kryeministri Kurti më parë ka vizituar Irlandën Veriore dhe Britaninë e madhe, ku ka patur takime të shumta me lider politik të këtyre vendeve.























