Tahiri: Demokracia në rrezik nga sulmi brutal i qeverisë
Fadil Sertolli / RTKlive
Shefi i Grupit Parlamentar të AAK-së, Besnik Tahiri, ka thënë se miratimi nga ana e qeverisë e Ligjit për Zyrtarët Publik pa asnjë konsultim publik, e rrezikon demokracinë dhe është kapje politike e administratës.
Ai tha se ky Ligj është miratuar pa përfshirjen e asnjë rekomandimi të vetë zyrtarëve publikë dhe pa trajtimin e sugjerimeve të BE-së.
“Sot, Qeveria e Kosovës e ka në miratim Ligjin për Zyrtarët Publik në mbledhjen elektronike. Ky Ligj u miratua pa asnjë ditë të konsultimit publik, pa përfshirjen e asnjë rekomandimi të vetë zyrtarëve publikë dhe pa trajtimin e sugjerimeve të BE-së. Sot, me këtë ligj po kapet politikisht administrata e shtetit”, ka thënë Tahiri.
Tahiri përmes një postimi në Facebook ka përmendur 10 pika të cilat sipas tij janë vetëm disa nga problemet fundamentale të Ligjit për Zyrtarët Publik.























