14:32 / 08.03.2024
Osmani merr shembull punonjësen e Presidencës: Është frymëzim për ne
M.Pasoma / RTKlive
Presidentja Vjosa Osmani në Ditën e Gruas ka bërë një postim për një nga punonjëset që ka punuar më së gjati në Presidencën e Kosovës.
“Sebi është një nga koleget tona më jetëgjatë, puna e të cilës filloi me Presidentin Rugova”, ka shkruar Osmani.
Ajo ka thënë se përkushtimi i saj ka vendosur standard, teksa ka mishëruar integritetin në punën e saj.
“Në këtë Ditë të Gruas, e falënderova që ishte një frymëzim për të gjithë ne dhe për gëzimin që ajo sjell në zyrën tonë çdo ditë”, ka shkruar ajo në X.
























