Hoti: Qeveria e detyroi BQK-në të përfshihet në dialog në mënyrë joligjore
Gentiana Kelmendi/RTKlive
Deputeti i LDK-së, Avdullah Hoti, ka thënë se nesër guvernatori i BQK-së do të raportojë në Komisionin Parlamentar për Buxhet për takimin në Bruksel për rregulloren e valutave të huaja në Kosovë.
“Me kërkesë të opozitës, nesër në orën 12:00, në Komisionin Parlamentar për Buxhet raporton Guvernatori i BQK-së lidhur pjesëmarrjen e tij të pakuptimtë dhe pa asnjë autorizim ligjor në dialog në Bruksel për rregulloren për përdorimin e valutave të huaja në Kosovë”, ka shkruar Hoti.
Ai në profilin e tij në Facebook ka shkruar se qeveria e detyroi BQK-në të përfshihet në dialog në mënyrë joligjore.
“Edhe pse BQK-ja është institucion i pavarur kushtetues, Qeveria e detyroi atë të përfshihet në dialog në mënyrë joligjore. Shqetësues mbetet fakti se Qeveria dhe BQK-ja nuk pranuan kërkesat e aleatit kryesor të Kosovës për shtyrje të zbatimit të rregullores. Por pranuan të ulen në tavolinë me palën serbe me kërkesë të ndërmjetësit”, ka shkruar Avdullah Hoti.























