Protesta anti-qeveritare në Izrael
BKT
Lajme

Protesta anti-qeveritare në Izrael

Dardan Ramabaja|RTK

Dhjetëra mijëra izraelitë janë mbledhur kundër kryeministrit izraelit Benjamin Netanyahu, duke kërkuar një marrëveshje pengjesh në Gaza.

Tubimet në Tel Aviv dhe qytete të tjera erdhën pasi Forcat e Mbrojtjes izraelite gjetën trupin e pengut Elad Katzir.

Protestuesit brohoritën "Zgjedhje tani" dhe "Elad, na vjen keq", raportuan mediat lokale.
Më vonë, policia shpërndau me forcë turmën e Tel Avivit.

Protestuesve antiqeveritar iu bashkuan familjet e pengjeve të mbajtura në Gaza. Demonstruesit shprehën zhgënjimin e tyre me paaftësinë e qeverisë për të liruar rreth 130 pengje që mbeten në Gaza, të mbajtura nga Hamasi dhe aleatët e tij.

Demonstratat ishin të fundit nga një seri protestash të mëdha antiqeveritare që kërkonin që kryeministri Netanyahu të largohej, mes zemërimit që ai nuk ka arritur të lirojë pengjet e mbetura.

Ndërkohë, ushtria izraelite ka tërhequr të gjitha trupat tokësore nga Rripi jugor i Gazës, përveç një brigade, ka deklaruar një zëdhënës ushtarak të dielën.

Ushtria nuk dha menjëherë detaje të tjera. Ishte e paqartë nëse tërheqja do të vononte një inkursion të paralajmëruar prej kohësh në qytetin jugor të Gazës, Rafah, për të cilin udhëheqësit izraelitë kanë thënë se është i nevojshëm për të eliminuar Hamasin.

Tërheqja vjen ndërsa Egjipti përgatitet të organizojë një raund të ri bisedimesh që synojnë arritjen e një armëpushimi dhe marrëveshjes për lirimin e pengjeve.


MË SHUME NGA Lajme