Bujar Osmani shpall fitoren: Kemi fituar në pothuajse çdo komunë
BKT
Lajme

Bujar Osmani shpall fitoren: Kemi fituar në pothuajse çdo komunë

G.K|RTKlive

Kandidati për president nga Fronti Evropian, Bujar Osmani ka shpallur fitoren e këtij kampi politik. Ai thotë se ka marrë rreth 40 mijë vota më shumë se koalicioni VLEN.

Në një konferëncë për media ai tha se kanë shënuar fitore në pothuajse çdo komunë.

“Fitore në Jegonovc, në Haraçinë, në Vrapçishtë, në Studeniçan,në Lukovë, në Bogovinë, në Zhelinë, Gazibabë, Zhelinë, në Pllasnicë, në Resnje, në Çashkë, fitore të jashtëzakonshme në Strugë, në Zelenikovë, në Ohër, në Tetovë, Manastir, Kërçovë,fitore në Saraj, në Kërçovë, në Karposh, fitore në Gostivar, në Kumanovë, në Çair, në Dibër, gjithandej në Republikë” tha mes tjerash Osmani.

Ai tha se kjo fitore tregon se Fronti Evropian po ngritet në një lokomotivë për të ardhmën evropian të vendit.

“Në emër të frontit dua tu jap fjalën se vota juaj është detyrimi im. Dëshiroj t’i them dicka kundërshtarit tim. Arben pavarësisht goditjeve të ulëta patëm një fushatë me respekt, duhet të pranojmë vullnetin e popullit”, tha Osmani.

Ndërkohë, deri më tani, sipas rezultateve të para të publikuara nga Komisioni Shtetëror i Zgjedhjeve, kandidatja e partisë opozitare, VMRO DPMNE, Gordana Siljanovska- Davkova, po prin bindshëm në garën për president.

 


MË SHUME NGA Lajme