Murati: Popullata e mirëpriti vendosjen e njësiteve të UÇK-së në Prishtinë
BKT
Lajme

Murati: Popullata e mirëpriti vendosjen e njësiteve të UÇK-së në Prishtinë

F.Sertolli / RTKlive

Valon Murati nga Lëvizja për Bashkim ka folur për 25 vjetorin e çlirimit të Kosovë dhe hyrjen e UÇK-së në Prishtinë, duke e përshkruar si ngjarje historike. Ai tha se para 25 vjetëve nuk ishte e rëndësishme data e hyrjes në kryeqytet, a ishte 11 apo 12 qershor, por ishte i rëndësishëm procesi i çlirimit të vendit.

Ai në ‘Info Plus” të RTK-së tha se nga 9 qershori gjatë vendosjes së UÇK-së në Prishtinë. ka pasur edhe incidente sepse forcat serbe ishin akoma në Prishtinë.

“Pra ishte një situatë e tensionuar por jemi munduar gjithnjë që të ruhet popullata e qytetarët të cilët me entuziazëm të madh e kanë pritur hyrjen e daljen publike të njësiteve të UÇK-së në Prishtinë”, tha Murati duke kujtuar datat nga 9 qershori deri me 13 qershor 1999.

Ai ka përmendur emrat e atyre që mungojnë në këto ditë festive të çlirimit të vendit.

“Më duhet ta përmend Sali Mustafën-komandant Calin, i cili është meritor si komandant i guerilës BIA të UÇK-së, i cili padrejtësisht është në Hagë. Pra, festimi i çlirimit pa Calin ka qenë shumë i dhimbshëm për shokët e luftës”, tha Murati në RTK.

Ai po ashtu tha se nuk mund pa i përmendur edhe figurat qendrore të UÇK-së të cilët janë në Hagë padrejtësisht,  me gjithat ai tha se kjo është situata.

“Sigurisht se duhet t’i përmendim edhe figura të tjera të cilët në ditën e çlirimit i mungojnë Kosovës, pra ndër qendroret e UÇK-së si Hashim Thaçi, Jakup Krasniqi, Kadri Veseli e Rexhep Selimi”, tha Murati, duke shtuar se ndaj tyre po zhvillohet një proces gjyqësor i padrejtë.


MË SHUME NGA Lajme