Haradinaj: Kurti po e largon Kosovën nga aleatët, Osmani bashkëpërgjegjëse
BKT
Lajme

Haradinaj: Kurti po e largon Kosovën nga aleatët, Osmani bashkëpërgjegjëse

M.M./RTKlive

Kryetari i AAK-së, Ramush Haradinaj, duke akuzuar kryeministrin Albin Kurti për largimin e Kosovës nga aleatët ndërkombëtarë, shprehu shqetësimin për politikën e jashtme të vendit.

Ai deklaroi se politika e Kurtit në Uashington po konsiderohet gjithnjë e më shumë gati si armiqësore. Kurse për BE-në, tha se po instalon një politikë ku Kosova është e përjashtuar nga çdo proces integrues.

“Politika e Kurtit sot në Uashington çdo ditë e më shumë konsiderohet si politikë gati armiqësore, kurse Evropa e udhëhequr nga Gjermania, me atë që tha Sarrazin, po e përjashton Kosovën nga Procesi i Berlinit dhe nga çdo nismë rajonale. Evropa po instalon politikë 6 minus 1 në Ballkanin Perëndimor. Ky minus është Kosova: e përjashtuar nga çdo proces integrues, e sanksionuar dhe me pritje të fuqizimit të sanksioneve dhe masave të tjera izoluese”, ka shkruar në Facebook.

Haradinaj Vjosa Osmanin e cilësoi si presidente koti.

“Kosova ka një presidente koti që pas katër vitesh qeverisje merr guximin të dalë në televizion dhe për 40 minuta të flasë sa e rëndësishme është SHBA-ja për Kosovën, sikur gjatë këtyre katër viteve ajo të kishte qenë në hënë. Një përpjekje e mjerë për ta hequr përgjegjësinë nga vetja dhe për ta ngarkuar vetëm Kurtin. Gabim, zonja Presidente. Në çdo ndyrësirë të Kurtit, ti je në mes të saj”, ka shkruar Haradinaj.


MË SHUME NGA Lajme