16:09 / 05.11.2024
Policia kontrolle në shkollat e Mitrovicës, për siguri më të madhe
V.S|RTKlive
Të gjitha shkollat e Mitrovicës i janë nënshtruar kontrollit nga Policia e Kosovës, aksion ky që u bë në bashkëpunim me Prokurorinë Themelore në Mitrovicë, derisa urdhri u dha nga Gjykata e Themelore e këtij qyteti.
Kontrolli u krye përgjatë dy ditëve më 4 e me 5 nëntor dhe ishte në kuadër të veprimeve dhe masave parandaluese për ofrimin e sigurisë në shkolla.
Në njoftim thuhet se prokuroria e policia mbeten të përkushtuara që edhe në të ardhmen të zbatojnë urdhërkontrolle të tilla, me qëllim të ofrimit të sigurisë nëpër shkolla si dhe parandalimit të dukurive negative.























