Osmani në Prekaz: Betohemi që do ta mbrojmë çdo cep të Republikës
BKT
Lajme

Osmani në Prekaz: Betohemi që do ta mbrojmë çdo cep të Republikës

E. Hoti / RTKlive

Presidentja e Kosovës, Vjosa Osmani ka bërë homazhe në kompleksin memorial “Adem Jashari” në Prekaz, për nderë të festes së 28 Nëntorit.

Pas homazheve, Osmani tha se festa e 28 Nëntorit është simbiozë e disa datave historike.

E para e shtetit tha se kjo festë i sjell në Prekaz, jo vetëm për të treguar madhështinë e sakrificën e Adem Jasharit dhe familjes Jashari, por edhe për t’u betuar para varreve të tyre që do ta mbrojmë çdo cep të Republikës.

“Kjo festë është simbiozë e disa datave historike për kombin tonë. Natyrisht shpallja e Pavarësisë së Shqipërisë, por njëkohësisht edhe ditëlindja e komandantit legjendar Adem Jashari dhe dalja e parë publike e Ushtrisë Çlirimtare të Kosovës në vitin 1997, na sjellin këtu në Prekaz, në vendin e qendrës historike edhe një herë për të treguar jo vetëm madhështinë dhe përjetësinë e sakrificës së Adem Jasharit dhe familjes Jashari, por për t’u betuar para varreve të tyre prej vendit ku ata prehen përjetësisht që do ta mbrojmë në mënyrë të pa kompromis çdo cep të republikës sonë. Do ta mbrojmë në mënyrë të pakompromis lirinë dhe pavarësinë e Kosovës dhe njëkohësisht do të bëjmë çmos që shqiptarët kudo që jetojnë të kenë të drejtat e garantuara”, ka thënë Osmani.

 

 

 


MË SHUME NGA Lajme