19:35 / 04.02.2025
Filharmonia me mundësi praktike për nxënësit e shkollës `Prenk Jakova`
M.P. / RTKlive
Filharmonia e Kosovës ka nënshkruar memorandum të bashkëpunimit me Shkollën e Mesme të Lartë Profesionale të Muzikës “Prenk Jakova” në Prishtinë, për bashkëpunim ndërinstitucional.
Sipas njoftimit nga Filharmonia, memorandumi do të mundësojë rregullimin e bashkëpunimit për ofrimin e mundësive të praktikës profesionale për nxënësit e shkollës në Filharmoninë e Kosovës
“Ky memorandum synon krijimin e një platforme bashkëpunimi për zhvillimin e praktikave profesionale për nxënësit e shkollës, përmes angazhimit dhe përvojës në aktivitete e projekte, dhe ngritje dhe përmirësim të cilësisë profesionale të nxënësve, duke ofruar mundësi praktike dhe përvojë të vlefshme në fushën e muzikës”, vazhdon njoftimi.























