14:35 / 21.02.2025
Kosova dhe Maqedonia e Veriut me vendkalim të përbashkët kufitar
Besnik Iseni/ RTK
Kosova dhe Maqedonia e Veriut duke filluar nga muaji prill, do të kenë një një vendkalim të përbashkët kufitar në Bllacë.
Ministri në detyrë i Punëve të Brendshme i Kosovës, Xhelal Sveçla dhe ai i Maqedonisë së Veriut, Pançe Toshkovski, kanë bërë sot inspektim në pikën kufitare “Bllacë” për të parë realizimin e projektit “One stop shop”, gjegjësisht kontroll të përbashkët në pikat kufitare.
Sveçla dhe Toshkovski në “Bllacë”, u shprehën të kënaqur me realizimin e punimeve, ndërsa thanë se fillimisht ky projekt do të jetë në formë testuese.























