22:51 / 24.02.2025
Osmani uron pavarësinë e Estonisë: Kosova qëndron me krenari me ju
M.P. / RTKlive
Presidentja Vjosa Osmani ka uruar kryeministrin estonez, Kristen Michal dhe presidentin Alar Karis në ditën e tyre të Pavarësisë.
„Përkushtimi i palëkundur i Estonisë ndaj lirisë dhe demokracisë vazhdon të frymëzojë. Kosova qëndron me krenari me ju, e lidhur me vlerat e përbashkëta dhe një partneritet të fortë“, ka shkruar ajo në X.
Osmani më tutje ka thënë se e vlerëson thellësisht mbështetjen e patundur dhe pret shumë vite të tjera miqësie dhe bashkëpunimi.
























