12:19 / 12.03.2025
Ushtarët hungarezë stërviten për kontrollin e turmave dhe trazirave
A.B|RTKlive
Ushtarët hungarezë nga batalioni rezervë taktik i KFOR-it, kanë kryer stërvitje për kontrollin e turmave dhe trazirave për të ruajtur gatishmërinë e lartë operacionale.
Në njoftimin e KFOR-it thuhet se trajnimi synon përgatitjen për t’u përballur me kërcënimin e zjarrit, duke mbajtur vetëkontroll dhe aftësi të plotë. Në njoftim theksohet se KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë, në rolet e tyre përkatëse si reagues të sigurisë.























