Pique mohon akuzat për pagesa ndaj Rubiales
BKT
Sport

Pique mohon akuzat për pagesa ndaj Rubiales

UK/RTKLive

Ish-mbrojtësi i Barcelonës, Gerard Pique, ka mohuar të premten në gjykatën e Majadahonda (Madrid) se ka paguar ish-presidentin e Federatës Spanjolle të Futbollit, Luis Rubiales, për të ndërmjetësuar kontratën e transferimit të Superkupës së Spanjës në Arabinë Saudite.

Gjatë marrjes në pyetje dy-orëshe, Pique gjithashtu ka refuzuar akuzat për parregullsi në komisionet prej 4 milionë eurosh në vit, të cilat kompania e tij, Kosmos, ka marrë nga kompania publike saudite Sela për një periudhë 10-vjeçare, në një marrëveshje që arrin vlerën totale prej 400 milionë eurosh.

Pique ka shprehur shqetësimin për dëmtimin e reputacionit të tij, duke denoncuar ndikimin negativ që hetimi ka pasur mbi të për më shumë se një vit.