Kurti mirëpret delegacionin amerikan të Lutjeve të Mëngjesit
BKT
Foto: Zyra e Kryeministrit
Lajme

Kurti mirëpret delegacionin amerikan të Lutjeve të Mëngjesit

V.Th / RTKLive

Kryeministri në detyrë, Albin Kurti, së bashku me zëvendësministren në detyrë të Punëve të Jashtme dhe Diasporës, Liza Gashi, ka pritur sot në takim një delegacion nga Lutjet e Mëngjesit (National Prayer Breakfast) të Shteteve të Bashkuara të Amerikës, të kryesuar nga Van Vuong.

Gjatë takimit, Kurti falënderoi delegacionin për angazhimin dhe interesimin e vazhdueshëm ndaj Kosovës, duke theksuar rëndësinë e marrëdhënieve të ngushta dhe strategjike ndërmjet Kosovës dhe Shteteve të Bashkuara të Amerikës.

Ai ka shprehur mirënjohjen e thellë të institucioneve dhe popullit të Kosovës për mbështetjen e vazhdueshme, dypartiake dhe të palëkundur nga ana e ShBA-së.

Kryeministri në detyrë i informoi të pranishmit për zhvillimet aktuale në vend, përfshirë përparimin ekonomik, reformat demokratike dhe avancimin e të drejtave të njeriut, që reflektohen edhe në raportet më të fundit ndërkombëtare.

Në takim u diskutua gjithashtu për thellimin e bashkëpunimit në fusha me interes të përbashkët, si mbrojtja, zhvillimi dhe diplomacia, duke u theksuar nevoja për forcimin e lidhjeve të ndërsjella ndërmjet dy vendeve, njofton Zyra e Kryeministrit.


MË SHUME NGA Lajme