Aktakuzë për uzurpim në Ferizaj/Video
BKT
Lajme

Aktakuzë për uzurpim në Ferizaj/Video

Driton Ramadani/RTK

Në Gjykatën Themelore të Ferizajt është shqyrtuar kërkesa e Ministrisë së Financave për masë sigurie ndaj një hapësire publike që pretendohet se është uzurpuar që nga viti 2004. Vendimi i gjykatës pritet brenda dy javësh.

Në Gjykatën themelore në Ferizaj është zhvilluar seanca lidhur me propozimin e masës së sigurisë i propozuar nga Ministria e Financave ndaj subjektit afaristë që shfrytëzon një pjesë të hapësirës në Ferizaj. Sipas tyre kjo hapësirë është uzurpuar tani e 20 vite.

“Kjo kërkesë mbështet në nenin 297 dhe 300 të ligjit 03 për procedure kontestimore dhe synon mbrojtjen e përkohshme të të drejtave pronësore dhe pasurore të paditëses mbi pronën e paluajtshme kontestimore”, tha Art Jashari, përfaqësues i autorizuar i MFPT.

Lidhur me këtë çështje në profilin e tij në rrjetet sociale ministri në Detyrë i Financave, Hekuran Murati ka shkruar “Tash e gati 20 vite, pensionistëve të rajonit të Ferizajt u është dashur të ngjiten në katin e dytë për të marrë shërbimet që u takojnë, sepse pjesa e katit të parë, ku realisht do duhej t’i merrnin shërbimet, ka qenë dhe vazhdon të jetë e uzurpuar paligjshëm nga një biznes që operon aty. Në lidhje me këtë, MFPT ka njoftuar Prokurorinë, nga e cila jemi njoftuar që tashmë është ngritur aktakuza për uzurpim të paligjshëm”.

Në anën tjetër avokati i palës së paditur ka kundërshtuar kërkesën për masës e sigurisë dhe se për këtë çështje është duke u zhvilluar një proces penal.

“Në fakt qysh nga fillimi e kemi kundërshtuar kërkesën e tyre. Klienti të cilën unë e përfaqësojë nuk është uzurpator, klienti imë është shfrytëzues i ligjshëm me një kontratë të ligjshme e cila asnjëherë nuk është ndërprerë edhe kontratat zakonisht në heshtje është vazhduar. Po ashtu kemi edhe një çështje penale çka që dispozitat e LPK-së janë të çarta kur kemi të bëjmë me një çështje penale çështja civile ndërpritet”, tha Gazmend Rexhepi, avokat.

Gjykatësi i këtij procesi Driton Ahmeti, ka bërë të ditur së brenda afatit ligjor prej 15 ditësh do të sjell aktvendimin lidhur më pranim apo refuzimin të kërkesës së palës paditëse.


MË SHUME NGA Lajme