14:08 / 23.07.2025
Themelorja edhe në rivendosje cakton paraburgim për pesë policët në Lipjan
RTKlive
Gjykata Themelore në Prishtinë, dega në Lipjan, edhe në rivendosje ka caktuar një muaj paraburgim për pesë zyrtarët policorë që dyshohen për “vrasje nga pakujdesia” ndaj 27-vjeçarit Agon Zejnullahu.
“Masë që do t’i llogaritet prej datës së ndalimit më 7 korrik”, thuhet në vendimin e siguruar nga Betimi Për Drejtësi.
Gjykata e Apelit më 21 korrik anuloi paraburgimin për të pandehurit I.N., A.R., A.K., L.Rr. dhe E.B., duke i caktuar arrest shtëpiak dhe duke e kthyer rastin për rivendosje në Themelore.
Pesë zyrtarët policorë dyshohet se e shkaktuan vdekjen e 27-vjeçarit gjatë arrestimit të tij, në rastin që nxiti edhe protesta para stacionit policor në Lipjan.























