21:32 / 23.07.2025
Aksident trafiku në bulevardin “Dëshmorët e Kombit” në Prishtinë
E.Hoti/RTKlive
Një aksident trafiku është raportuar sonte në bulevardin “Dëshmorët e Kombit” në Prishtinë, ku janë përfshirë një automjet për bartjen e mbeturinave i kompanisë “Pastrimi” dhe një automjet taksi.
Sipas informacioneve fillestare, dyshohet se në aksident ka pasur persona të lënduar, por gjendja e tyre dhe rrethanat e sakta të ngjarjes mbeten ende të paqarta.
RTKlive ka kontaktuar Policinë e Kosovës për të marrë konfirmim dhe detaje shtesë lidhur me këtë rast, por deri në momentin e publikimit të këtij lajmi, nuk ka pranuar përgjigje zyrtare.
Për çdo informacion të ri që mund të konfirmohet nga autoritetet, RTKlive do të raportojë me kohë.























