12:40 / 25.07.2025
Abdixhiku: Po e presim vendim përfundimtar të Gjykatës për lëndën tonë
V.Th / RTKLive
Kryetari i Lidhjes Demokratike të Kosovës, Lumir Abdixhiku, pas dështimit të seancës së 52-të konstituive të Kuvendit të Kosovës, deklaroi shkurt se kryesuesi i Kuvendit ka shkelur Kushtetutën.
Sipas tij, kjo përbën një përmbysje të rendit kushtetues dhe LDK-ja është në pritje të një vendimi përfundimtar nga Gjykata Kushtetuese.
“Kryesuesi e ka shkelur Kushtetutën. Kjo është një përmbysje e rendit kushtetues. Tani presim që të ketë edhe vendim përfundimtar të Gjykatës Kushtetuese për lëndën tonë deri më datë 10 gusht,” deklaroi Abdixhiku.























