14:18 / 25.08.2025
RTK dhe IKSHPK nënshkruajnë marrëveshje për emisione edukative shëndetësore
B.H./RTKlive
Radiotelevizioni i Kosovës dhe Instituti Kombëtar i Shëndetit Publik të Kosovës kanë nënshkruar një marrëveshje bashkëpunimi për realizimin e emisioneve edukative dhe ‘podcast’-it me fokus në parandalimin e sëmundjeve dhe promovimin e shëndetit publik.
Marrëveshja u nënshkrua në një takim që sot drejtori i përgjithshëm i RTK-së, Hysen Hundozi dhe drejtori i Televizionit, Rilind Gërvalla patën me drejtoreshën e IKSHPK-së, Ardita Baraku.
Bashkëpunimi ndërmjet dy institucioneve synon të sjellë për publikun programe me përmbajtje informuese e vetëdijësuese rreth shëndetit, si dhe parandalimit dhe trajtimit të sëmundjeve të ndryshme.























