22:14 / 20.12.2025
Persona të shurdhër interpretuan poezi në gjuhën e shenjave në Prizren
Enis Tabak / RTK
Prizreni, sonte ishte mikpritës i një ngjarjeje kuptimplotë. Mbrëmja poetike me titull “Jehona e Heshtjes” u zhvillua në gjuhën e shenjave.
Ky program, me mbështetjen e Drejtorisë për Kulturë, Rini dhe Sport të Komunës së Prizrenit, u mbajt në skenën e teatrit te qytetit "Bekim Fehmiu".
Kjo ishte hera e parë në Prizren, ku personat e shurdhër interpretuan poezi përmes gjuhës së shenjave.
Mbrëmjen e moderoi aktorja profesioniste e Teatrit të Qytetit “Bekim Fehmiu”, Hajat Toçilla me ndihmën e interpretes së gjuhës së shenjave Edona Randobrava. Të ftuarit u impresionuan nga performanca dhe programi i përgatitur në këtë mbrëmje.
























