Animacioni shqiptar në 50-vjetor, një rikthim në rrënjët e krijimtarisë
BKT
Kulturë

Animacioni shqiptar në 50-vjetor, një rikthim në rrënjët e krijimtarisë

RTKlive

Në shënimin e 50-vjetorit të animacionit shqiptar, Arkivi Qendror Shtetëror i Filmit (AQSHF) u shqua si një nga shtyllat kryesore të aktivitetit, duke ofruar dokumente arkivore, sekuenca filmike dhe dëshmi të çmuara historike.

Ky jubile u vlerësua jo vetëm si një përvjetor festiv, por si një rikthim në fillesat e krijimtarisë filmike shqiptare, aty ku u formësuan vizioni estetik, ironia, karakteri dhe poezia që kanë shoqëruar animacionin shqiptar ndër dekada.

Falë fondit të pasur që ruan AQSHF, u bë e mundur që publiku të njihte nga afër rrugëtimin e animacionit shqiptar dhe figurat që e ndërtuan këtë traditë me pasion dhe përkushtim, duke i rikthyer në vëmendje kontributet e tyre artistike dhe kulturore.

Në kuadër të aktivitetit u shpreh mirënjohje për të gjithë krijuesit, animatorët, studiuesit dhe dashamirësit e këtij arti, të cilët vazhdojnë ta mbajnë të gjallë trashëgiminë e animacionit shqiptar dhe ta transmetojnë atë te brezat e rinj.

Organizatorët e cilësuan këtë përvjetor si një moment reflektimi dhe vlerësimi për një nga format më të veçanta të artit filmik shqiptar, që ka lënë gjurmë të rëndësishme në kulturën kombëtare.


MË SHUME NGA Kulturë