Komuna e Malishevës thotë se të gjitha rrugët janë të hapura për qarkullim
BKT
Lajme

Komuna e Malishevës thotë se të gjitha rrugët janë të hapura për qarkullim

V.S|RTKlive

Përkundër reshjeve të borës gjatë natës së kaluar, Komuna e Malishevës thotë se të gjitha rrugët në territorin e kësaj komune janë të hapura për qarkullim, përfshirë edhe zonat e thella malore.

Komuna e Malishevës thotë se ka angazhuar kompanitë përgjegjëse për mirëmbajtjen e rrugëve, të cilat sic thonë janë duke punuar intensivisht në largimin e borës dhe hedhjen e kripës, me qëllim të sigurimit të qarkullimit të lirë dhe të sigurt për qytetarët. Aktualisht, thonë ata, qarkullimi në të gjitha rrugët e komunës po zhvillohet pa pengesa.

Bëhet e ditur se punimet për mirëmbajtjen e rrugëve i ka përcjellë nga afër edhe Kryetari i Komunës së Malishevës, Ekrem Kastrati, i cili ka vizituar disa fshatra në zonën e maleve të Berishës.

 “Komuna ka angazhuar kompanitë përgjegjëse për mirëmbajtjen e rrugëve, të cilat po kryejnë punën e tyre me përkushtim. Sot kam përcjellë nga afër punimet në zonën e maleve të Berishës, për t’u siguruar që qytetarët të kenë qarkullim të sigurt dhe të pandërprerë”, ka deklaruar kryetari Kastrati.

Komuna e Malishevës u bën thirrje të gjithë vozitësve që të jenë të pajisur me pajisje dimërore, ashtu siç parashihet me ligj, pasi sidomos gjatë orëve të mbrëmjes mund të ketë ngrica në rrugë.

 


MË SHUME NGA Lajme