Bota në prag të një rendi të ri|Video
BKT
Lajme

Bota në prag të një rendi të ri|Video

RTK

Situata e tensionuar në rrafshin e politikave globale, duke përfshirë Iranin, Venezuelën, Grenlandën dhe rolin e presidentit amerikan, Donald Trump në rendin e ‘ri’ botëror ishin temat që u trajtuan në Specialen e RTK-së.

“Kthesa dramatike që ka bërë SHBA me BE-në nuk ka të bëjë me Donald Trump, por elita e djathtë konservatore e cila konsideron që Evropa ka tradhtuar SHBA-të. Ata e argumentojnë bindshëm”, tha analisti Melazim Koci.

Gazetari Menduh Hysa tha se Amerika Latine është pakontestimisht pjesë e interesave të SHBA-ve. Po njësoj cilësoi ai për një pjesë të Azisë e Grenlandën.

“Mendoj që rezultati final do të jetë ashtu siç ka deklaruar presidenti Trump, sepse e ka deklaruar se e ka interes nacional”, tha ai.  

“Lëkundjet e rendit botëror kanë qenë edhe më të hershme. Kjo ka nisur të sfidohet me ardhjen e presidentit Trump, intervenimit në Venezuela por edhe asaj çka po ndodh në Grenlandë e në Iran”, tha Adelina Hasani, hulumtuese nga Qendra Kosovare për Studime të Sigurisë.

Ndërkaq, profesori universitar Dorajet Imeri tha se bota po rindahet apo ripozicionohet konform qytetërimeve të zhvilluara.

 


MË SHUME NGA Lajme