Muzeu ‘Etno Kastrioti’, thesar i artefakteve në Isniq
BKT
Kulturë

Muzeu ‘Etno Kastrioti’, thesar i artefakteve në Isniq

Islam Haxhiu/RTK

Eksponate të vjetra që nga ilirët e dardanët që tregojnë traditën e kombit shqiptare e deri te lufta e fundit në Kosovë, por edhe eksponate mjaft të vjetra evropiane, janë pjesë e Muzeut Etno Kastrioti, në Isniq të Deçanit. Miftar Jonuzaj, një njeri i vullnetit dhe pasionit, ka arritur të grumbullojë mijëra eksponate të periudhave të ndryshme kohore, duke tërhequr kështu edhe shumë vizitorë që ia mësyjnë Dukagjinit.

Kjo sëpatë e vjetër e kohës së gurit, 5000- 6000 vjeçare, e gjetur në shtratin e Lumbardhit të Deçanit ka qenë motivi kryesor që Miftar Januzaj nga Isniqi i Deçanit të fillojë grumbullimin e qindra artefakteve tjera të cilat me kujdes të madh i ka ekspozuar në Muzeun “EtnoKastrioti”, thotë .

“E shikojmë, këtu është një guri që nga koha e gurit, është sëpatë ilire e cila daton diku 5000- 6000 vjeçare. Këtë e kanë konstatuar ekspertët, etnologët, arkeologët nga Prishtina nga Tirana. Këtu kemi pas edhe arkeolog edhe nga SHBA-ja që me këtë guri janë mahnitë. Guri ëhstë gjetur në lumin e Deçanit, e ka gjet vajza ime para luftës dhe ky është shkaktari kryesor që kam filluar dhe kam arritur deri këtu dhe prandaj e kam quajtur ‘Guri i energjisë, kjo është fytyra e ‘Mbretëreshës në fron’, është gjetur në një familje e cila kur e ka hapur bodrumin dy me tra në thellësi të tokës së bashku me ‘shatin’ do të thotë të mbështjellë kanë qenë me lëkurë dhe e ka sjellë në Muzeun Etno Kastrioti. Ky gyp është përdorur për ujësjellësin dhe është gjetur dikund në pronat e disa individëve në komunën e Deçanit dhe sipas ekspertëve të kësaj lëmie është i vjetër diku 2500 vjet”, thotë koleksionisti Januzaj.

Pasionin e këtij koleksionisti të devotshëm po e vlerësojnë shumë edhe studiuesit dhe ekspertët e trashëgimisë.

“Shihet se këtu ka eksponate të lloj-llojshëme të fushave të ndryshme të jetës së banorëve tonë të lashtë; ka mjete pune, ka mjete amvisërie, mjete të punës së nënave tona, ka armë me artefakte dhe eksponate të ndryshme të cilat në përgjithësi e promovojnë jetën e dikurshme të shqiptarëve në këto treva”, thotë Prof Dr. Bekim Vishaj, studiues i trashëgimisë.

Ai shtoi se shembulli dhe puna e koleksionistit Januzaj duhet të përkrahen edhe nga institucionet kompetente në mënyrë që të ketë mundësi t’i promovojë në formën më origjinale në kuadër të këtij muzeu etnologjik.

 

 


MË SHUME NGA Kulturë