Bashkëpunim dhe projekte mes të rinjve të Kosovës dhe atyre të Teksasit
BKT
Lajme

Bashkëpunim dhe projekte mes të rinjve të Kosovës dhe atyre të Teksasit

Valbona Thaçi / RTKLive

Christian Collins, kryesues i delegacionit dhe kryetar i Samitit Rinor të Teksasit, për herë të parë është mirëpritur në Republikën e Kosovës.

Kështu ka bërë të ditur Ministrja në Detyrë e Ministrisë së Jashtme dhe Diasporës, Donika Gërvalla, e cila ka thënë se për herë të parë mirëpritëm në Republikën e Kosovës Christian Collins, kryesues i delegacionit dhe kryetar i Samitit Rinor të Teksasit.

Të rinjtë në udhëheqje, pjesëmarrja qytetare dhe angazhimi i brezit të ri në dialogun ndërkombëtar ishin temat kryesore të bashkëbisedimit, së bashku me mundësitë për shkëmbime rinore dhe akademike, programe mentorimi, si dhe nxitjen e lidhjeve kulturore, arsimore dhe sipërmarrëse.

Gërvalla ka thënë se ky takim hapi rrugën për bashkëpunim të frytshëm dhe projekte konkrete mes të rinjve tanë dhe atyre të Teksasit.


MË SHUME NGA Lajme