OSBE njofton se po monitoron ankesën e Listës Serbe në PZAP
Valbona Thaçi / RTKLive
Misioni i OSBE-së në Kosovë ka njoftuar se është informuar se partia Lista Serbe ka bërë ankesë në Panelin Zgjedhor për Ankesa dhe Parashtresa, pasi që Komisioni Qendror i Zgjedhjeve nuk ka shpallur formalisht votat e marra nga kjo parti në zgjedhjet e 28.12.2025.
“Misioni i OSBE-së në Kosovë vëren se partia politike Srpska Lista ka dorëzuar ankesën e saj në Panelin e Ankesave dhe Ankesave Zgjedhore, në përgjigje të dështimit të Komisionit Qendror Zgjedhor javën e kaluar për t’i publikuar zyrtarisht votat e tyre të marra në zgjedhjet e dhjetorit 2025”, thuhet në njoftimin e OSBE-së.
Misioni thekson nevojën për respektimin e plotë të standardeve ndërkombëtare zgjedhore, në veçanti publikimin transparent dhe gjithëpërfshirës të rezultateve zgjedhore, si mjet për garantimin e sigurisë ligjore dhe trajtimit të barabartë për të gjithë garuesit zgjedhor.
“OSBE do të vazhdojë të monitorojë nga afër zhvillimet”, njofton OSBE.























