Nënshkruhet Plani i Bashkëpunimit mes Ministrisë së Mbrojtjes e Austrisë
BKT
Lajme

Nënshkruhet Plani i Bashkëpunimit mes Ministrisë së Mbrojtjes e Austrisë

Valmira Saraçi|RTKLive

Këtë të mërkurë në Ministrinë e Mbrojtjes është zhvilluar takimi bilateral me delegacionin e Ministrisë së Mbrojtjes së Republikës Federale të Austrisë, ku palët kanë nënshkruar Planin Vjetor të Bashkëpunimit Bilateral për vitin 2026, dokument, i cili, siç thuhet, përcakton aktivitetet konkrete dhe fushat e angazhimit të përbashkët në fushën e mbrojtjes.

Në këtë marrëveshje firmat e tyre i kanë vënë drejtori i Departamentit të Bashkëpunimit Ndërkombëtar, Ahmet Ajeti e Nikoluas Rottenberger, udhëheqës i Divizionit të Diplomacisë Ushtarake të Austrisë.

Njoftimi bën të ditur se gjatë qëndrimit në Ministrinë e Mbrojtjes, delegacioni austriak u takua gjithashtu me drejtorin e Politikave të Mbrojtjes, Faruk Gecin, ku thuhet se u diskutua progresi i bashkëpunimit ekzistues, si dhe objektivat dhe prioritetet e përbashkëta për të ardhmen.

 


MË SHUME NGA Lajme