20:26 / 12.02.2026
Në seancë të jashtëzakonshme, Kuvendi voton ndarjet buxhetore
Medina Pasoma / RTKlive
Është miratuar propozim vendimi i Qeverisë së Kosovës për autorizimin e zgjatjes për zbatimin e Ligjit për ndarjet buxhetore të vitit të kaluar fiskal edhe për muajin mars të vitit 2026.
Deputetët miratuan vendimin me 99 vota pro, asnjë kundër dhe asnjë abstenim.
Ministri i Financave, Hekuran Murati tha se për shkak të mosmiratimit të Buxhetit 2026, shteti ka funksionuar përmes ligjit për zgjatje buxhetore edhe për dy muaj, ndërsa tani deri në miratimin e dy leximeve dhe dekretimit të Ligjit, Qeveria ka kërkuar zgjatjen me qëllim që të mos ketë pengesa në procesin e pagesave.























