Kuvendi miraton përbërjen e 16 komisioneve parlamentare
Valmira Saraçi|RTKlive
Me 100 vota deputetësh, Kuvendi i Kosovës ka votuar përbërjen e 16 komisioneve parlamentare për legjislaturën e dhjetë.
Nga 16 komisionet parlamentare, katër janë të përhershme e 12 funksionale. Vetëvendosje do t’i kryesojë 9 komisione, PDK 3, LDK 2, Lista Serbe 1 komision e Grupi Multietnik 1 komision.
Këto janë komisionet:
Në Komisionin për Buxhet, Enver Haliti i Vetëvendosjes do të jetë kryetar.
Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundërkorrupsionit, Përparim Gruda i PDK-së do të jetë kryetar.
Komisionin për Integrim Evropian do ta udhëheqë, Hykmete Bajrami e LDK-së.
Komisioni për Punë të Jashtme dhe Diasporë do të udhëhiqet nga, Arbëresha Kryeziu e Vetëvendosjes.
Komisioni për Arsim do të udhëhiqet nga, Arjeta Fejza e LVV-së.
Në Komisionin për Ekonomi, Industri, Ndërmarrësi, Tregti dhe Inovacion kryetare do të jetë, Rozeta Hajdari nga LVV-ja.
Komisioni për Mjedis, Ushqim, Bujqësi, Pylltari, Zhvillim Rural dhe Infrastrukturë do të ketë në krye Arsim Ademi e LVV-së.
Komisioni për Shëndetësi do të kryesohet nga Haxhi Avdyli i Grupit Parlamentar të Vetëvendosjes.
Komisioni për Administratë Publike, Digjitalizim, Pushtet Lokal, Media dhe Zhvillim Rajonal, do të udhëhiqet nga Ariana Musliu-Shoshi e PDK-së.
Komisioni për Siguri dhe Mbrojtje. kryetar do të ketë Mefail Bajçinovcin e Vetëvendosjes.
Komisioni për të Drejtat e Njeriut, Barazi Gjinore, Vlerat e Luftës Çlirimtare dhe Peticione, kryetare do të ketë, Fatmire Kollçakun e Vetëvendosjes.
Komisioni për Mbikëqyrje të Financave Publike do të udhëhiqet nga Arben Mustafa i PDK-së
Komisioni për Mbikëqyrje të AKI-së në krye do të ketë Anton Qunin e LDK-së.
Komisioni për Kulturë, Turizëm dhe Sport, kryetar do të ketë Erxhan Galushin nga Grupi Multietnik.
Komisioni për Mirëqenie Sociale, Viktimat e Dhunës Seksuale të Luftës dhe për Personat e Pagjetur, do të kryesohet nga Adnan Rrustemi i LVV-së.
Komisioni për të Drejtat dhe Interesat e Komuniteteve dhe Kthim do të udhëhiqet nga Lista Serbe.























