Kraft synon medaljen e parë olimpike individuale
Fatmir Bytyqi/RTKLive
Stefan Kraft ka fituar pothuajse gjithçka në skijimin me kërcim: tre tituj të përgjithshëm në World Cup, tituj në skijim flying, kurorën prestigjioze Four Hills, dhe tri medalje të arta individuale në Kampionatet Botërore.
Ai mban gjithashtu rekordin për pikët më të shumta në historinë e World Cup.
Megjithatë, medalja olimpike individuale i ka munguar 32-vjeçarit nga Austria, i cili vetëm një herë ka përfunduar brenda top 10 në katër pjesëmarrjet e mëparshme olimpike.
Ai ka fituar vetëm një medalje në Beijing 2022, në eventin e ekipit në hill-in e madh.
“Kam shumë dëshira për Lojërat Olimpike, por nuk është një gjë e lehtë. Të fitosh një medalje individuale ose një medalje në përgjithësi është objektivi im kryesor,” tha Kraft për ‘Olympics.com’, transmeton RTKLive.
Ai shtoi se fakti që Lojërat Olimpike janë rikthyer në Evropë e motivon edhe më shumë.
“Jam shumë ambicioz. Adrenalina e skijimit me kërcim është thjesht ngjitëse”, theksoi Kraft.























