23:55 / 18.02.2026
Kurti: Ramazani, muaj i mëshirës hyjnore dhe i mirësisë njerëzore
Gentiana Kelmendi/RTKlive
Kryeministri Albin Kurti ka uruar besimtarët dhe besimtaret myslimane me rastin e fillimit të muajit të shenjtë të Ramazanit.
I pari i Qeverisë ka theksuar se Ramazani është muaj i vetëpërmbajtjes individuale dhe i solidaritetit kolektiv, i mëshirës hyjnore dhe i mirësisë njerëzore.
"Ai na fton që veten ta rigjejmë te bashkësia dhe na rikujton se begatia është bekim, ndërkaq empatia është virtyt", ka shkruar Kurti.
Kurti u ka ururar besimtarëve myslimanë agjërim të lehtë dhe përmbushje shpirtërore.
"Ky muaj i veçantë ju sjelltë paqe në shpirt dhe lumturi në zemër. Ju bëftë mirë syfyri i parë!", ka përfunduar kryeministri.























