11:43 / 24.03.2026
Norvegjezi Eskas do të drejtojë ndeshjen Sllovaki-Kosovë
Fatmir Bytyqi/RTKLive
Tashmë është zyrtare. Arbitri norvegjez Espen Eskas do të jetë gjyqtar kryesor i ndeshjes Sllovaki - Kosovë.
Sllovakët dhe Dardanët do të përballen të enjten mbrëma në Bratislavë, në duelin gjysmëfinale të play-off-it për Kupën e Botës 2026.
Norvegjezi Espen Eskas do të asistohet nga Jan Erik Engan dhe Isaak Elias Bashevkin. Në VAR do të jetë Rob Dieperink, kurse në AVAR Clay Ruperti, derisa gjyqtar i katërt është Nicholas Walsh.
Ndeshja mes Sllovakisë dhe Kosovës do të transmetohet drejtpërdrejt në RTK.























