15:23 / 26.03.2026
IHMK paralajmëron erëra të forta
Shqipe Gashi|RTKlive
Instituti Hidrometeorologjik i Kosovës (IHMK) paralajmëron se më 26 mars 2026, territori i Kosovës do të përballet me erëra të forta, të cilat janë kategorizuar me nivel kujdesi, kategori e verdhë.
Shpejtësia e erës parashikohet të arrijë mbi 24 metra për sekondë (rreth 85 km/h), veçanërisht në zonat mbi 1000 metra lartësi.
Këto kushte të motit mund të shkaktojnë dëmtime në objekte, pengesa në transport dhe rrezik nga rënia e pemëve apo degëve. Komuna e Prishtinës apelon që qytetarët të tregojnë kujdes të shtuar, të shmangin zonat e pasigurta dhe të sigurojnë objektet që mund të lëvizen nga era. Autoritetet rekomandojnë ndjekjen e njoftimeve dhe përditësimeve zyrtare për motin.























