RTK dhe Ambasada e Kosovës në Sofje diskutojnë thellimin e bashkëpunimit
BKT
Lajme

RTK dhe Ambasada e Kosovës në Sofje diskutojnë thellimin e bashkëpunimit

Naser Mekolli /RTKlive

Menaxhmenti i lartë i Radio Televizionit të Kosovës (RTK), Hysen Hundozi dhe Rilind Gërvalla, kanë zhvilluar një vizitë në Ambasadën e Republikës së Kosovës në Sofje, ku janë diskutuar mundësitë për forcimin e bashkëpunimit ndërmjet transmetuesve publikë të Kosovës dhe Bullgarisë.

Gjatë takimit, ambasadori Haxhi Bajraktari ka theksuar rëndësinë e mediave publike në garantimin e informimit të drejtë dhe të besueshëm, duke vënë në pah edhe sfidat me të cilat përballet gazetaria në kohën e zhvillimeve të shpejta globale, njofton Ambasada e Kosovës në Sofje.

Nga ana e tyre, drejtuesit e RTK-së kanë theksuar rëndësinë e bashkëpunimit institucional dhe rolin mbështetës të misioneve diplomatike në këtë proces.

Bëhet e ditur se vizita në Sofje po zhvillohet në kuadër të pjesëmarrjes së RTK-së në Samitin e Mediave të organizuar nga European Broadcasting Union (EBU), ku po diskutohen sfidat me të cilat përballen mediat publike në Evropë në një periudhë tensionesh gjeopolitike dhe transformimesh në peizazhin informativ.

 


MË SHUME NGA Lajme