16:18 / 28.04.2026
Dogana njofton për nisjen e përdorimit të platformës DAT për automjete
Medina Pasoma / RTKlive
Dogana e Kosovës ka njoftuar se është jashtë funksioni platforma për vlerësimin e automjeteve të përdorura Schwacke, e cila është përdorur deri më tani për qëllime të vlerësimit doganor.
Sipas njoftimit, kjo ka ndodhur si pasojë e një sulmi kibernetik dhe se qasja është ndërprerë në nivel evropian dhe më gjerë, duke e bërë të pamundur përdorimin e saj për një periudhë të caktuar kohore.
“Në këto rrethana, me qëllim të sigurimit të vijimësisë së procedurave doganore dhe shmangies së vonesave në zhdoganimin e automjeteve, Dogana e Kosovës ka kaluar në përdorimin e platformës DAT e cila operon me standarde të njëjta profesionale dhe ofron të dhëna të besueshme për vlerësimin e automjeteve”, njofton dogana.























