Agjencia e Metrologjisë së Kosovës shënon Ditën Botërore të Metrologjisë
BKT
Lajme

Agjencia e Metrologjisë së Kosovës shënon Ditën Botërore të Metrologjisë

B. H. | RTKlive

Agjencia e Metrologjisë së Kosovës do të organizojë nesër shënimin e Ditës Botërore të Metrologjisë, me temën “Ndërtojmë Besim në Vendimmarrje”.

Ky aktivitet do të mbahet në Prishtinë, duke filluar nga ora 09:30, dhe synon të vë në pah rëndësinë e shkencës së matjes në jetën e përditshme, si dhe ndikimin e metrologjisë në zhvillimin ekonomik, mbrojtjen e konsumatorit dhe garantimin e standardeve të besueshme.

Sipas njoftimit të MINTI-t, kjo ngjarje do të theksojë rolin e matjeve të sakta dhe standardeve ndërkombëtare në përmirësimin e cilësisë së jetës, mbrojtjen e mjedisit dhe forcimin e besimit në proceset vendimmarrëse.

Në këtë aktivitet pritet të marrin pjesë përfaqësues institucionalë, ekspertë të fushës, partnerë vendorë e ndërkombëtarë, si dhe përfaqësues të mediave.


MË SHUME NGA Lajme