15:03 / 12.06.2026
Tre ansamble shqiptare bashkohen në koncertin `Liria na Bashkon`
Sh.G|RTKlive
Me rastin e Ditës së Çlirimit, Ansambli Kombëtar i Këngëve dhe Valleve “Shota” do të mbajë sonte koncertin festiv “Liria na Bashkon”, duke filluar nga ora 19:00 në Shtëpia e Kulturës Asim Vokshi në Gjakovë.
Kjo mbrëmje i kushtohet trashëgimisë kulturore, historisë dhe lidhjeve të pandashme mes shqiptarëve kudo që jetojnë.
Në këtë koncert do të bashkohen në një skenë tre ansamble kombëtare nga Shqipëria, Kosova dhe Maqedonia e Veriut, duke sjellë këngë, valle dhe interpretime që pasqyrojnë historinë, identitetin dhe shpirtin e popullit shqiptar, që ruajnë dhe përcjellin identitetin kombëtar brez pas brezi.























