Plagoset një person në Miradi të Epërme, Policia po heton rastin
BKT
Lajme

Plagoset një person në Miradi të Epërme, Policia po heton rastin

B.H./RTKlive

Një person ka mbetur i plagosur mbrëmjen e sotme në fshatin Miradi e Epërme, në komunën e Fushë Kosovës.

Zëdhënësi i Policisë së Kosovës për rajonin e Prishtinës, Enis Pllana, ka bërë të ditur se rreth orës 21:00 policia ka pranuar informatën për një plagosje në këtë fshat.

Sipas tij, njësitet policore kanë dalë menjëherë në vendin e ngjarjes, ku nga informacionet fillestare rezulton se një person është plagosur, dyshohet me armë zjarri.

“I lënduari është dërguar për tretman mjekësor, ndërsa njësitet policore janë duke ndërmarrë veprimet e nevojshme hetimore për të sqaruar rrethanat e rastit”, ka deklaruar Pllana.

Policia nuk ka dhënë ende detaje shtesë lidhur me identitetin e të lënduarit apo të personave të dyshuar, ndërsa hetimet për rastin janë në vazhdim.


MË SHUME NGA Lajme