RTK dhe KOK nënshkruajnë marrëveshje për ‘Taranto 2026’
Artan Muhaxhiri/RTK
Radio Televizioni i Kosovës dhe Komiteti Olimpik i Kosovës kanë nënshkruar marrëveshje bashkëpunimi për mbulimin medial të Lojërave Mesdhetare “Taranto 2026”.
Me këtë rast, Presidenti i KOK-ut, Ismet Krasniqi, u prit në RTK nga Drejtoresha e Përgjithshme e RTK-së, Zana Spahiu, U.D. Drejtori i Televizionit, Rilind Gërvalla, dhe Producenti Ekzekutiv i Sportit, Artan Muhaxhiri.
Në kuadër të marrëveshjes, RTK do të sjellë përmes transmetimeve të drejtpërdrejta garat dhe paraqitjet e sportistëve kosovarë në këtë ngjarje të madhe ndërkombëtare.
Kosova në Taranto me delegacionin më të madh në histori!
163 sportistë
87 meshkuj
76 femra
21 sporte
Për herë të parë, Kosova do të garojë edhe në katër sporte ekipore – futboll, volejboll, hendboll dhe basketboll 3x3.
Në dy edicionet e kaluara, Kosova ka fituar 10 medalje – 9 në xhudo dhe 1 në boks.
21 gusht – 3 shtator 2026
Itali
Një tjetër moment historik do të jetë ceremonia e mbylljes, ku Kosovës do t’i dorëzohet flamuri i Lojërave Mesdhetare, si nikoqire e edicionit të ardhshëm – “Prishtina 2030”.
RTK – bashkë me sportistët e Kosovës, në çdo garë, në çdo emocion, drejt Tarantos!























