13:12 / 19.08.2026
PDK bën sërish kërkesë për mbajtjen e seancës nesër
Donika Sherifi| RTK
Partia Demokratike e Kosovës (PDK) i ka dërguar sërish letër kryesuesit të seancës konstituive të Kuvendit, Avni Dehari, duke i kërkuar që ta thërrasë vazhdimin e seancës.
PDK-ja ka kërkuar që vazhdimi i seancës të thirret të enjten në orën 11:00.
“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, thuhet në letrën e PDK-së drejtuar Deharit.

























