Muzika bashkon Mitrovicën e Jugut dhe të Veriut
BKT
Kulturë

Muzika bashkon Mitrovicën e Jugut dhe të Veriut

Sh.G|RTKlive

Orkestra Rinore e Ballkanit Perëndimor, me mbështetjen e Bashkimit Evropian, ka mbajtur të dielën dy koncerte, në Mitrovicën e Jugut dhe Mitrovicën e Veriut.

Orkestra, e themeluar në vitin 2019, bashkon muzikantë të rinj profesionistë nga Shqipëria, Bosnja dhe Hercegovina, Kosova, Mali i Zi, Maqedonia e Veriut dhe Serbia. Koncertet ishin pjesë e programit “Music of Today” dhe turneut veror 2026.

Dirigjenti dhe drejtori artistik, Desar Sulejmani, tha se përmes muzikës synohet përcjellja e një mesazhi të bashkëpunimit dhe afrimit mes komuniteteve.

Për disa prej muzikantëve, performancat në Mitrovicë ishin vizita e parë në këtë qytet. Anëtarët e orkestrës e vlerësuan përvojën si pozitive dhe shprehën dëshirën për t’u rikthyer.

BE-ja ka mbështetur orkestrën përmes programit “Creative Europe”, duke financuar trajnimin profesional, koncertet, mbështetjen e kompozitorëve të rinj dhe bashkëpunimin ndërkufitar.

Koncertet në të dyja anët e Ibrit u zhvilluan si pjesë e përpjekjeve për të nxitur shkëmbimet kulturore, bashkëpunimin rajonal dhe mundësitë për të rinjtë në Ballkanin Perëndimor.


MË SHUME NGA Kulturë