08:26 / 28.08.2026
Sot organizohet vizitë te varri masiv në Kalludër për të kujtuar të zhdukurit
N.M. /RTKlive
Me rastin e 30 gushtit, Ditës Ndërkombëtare të Viktimave të Zhdukjeve me Forcë, Policia e Kosovës, Komisioni Qeveritar për Persona të Zhdukur dhe Instituti për Mjekësi Ligjore do të zhvillojnë një vizitë në lokacionin e varrit masiv në Kalludër të Zubin Potokut.
Aktiviteti, i organizuar në bashkëpunim me shoqatat e familjeve të personave të zhdukur, do të mbahet më 28 gusht, nga ora 12:00, në shenjë respekti dhe nderimi për viktimat e zhdukjeve me forcë.
Sipas institucioneve organizatore, vizita synon të shprehë solidaritetin dhe mbështetjen e vazhdueshme për familjet e personave të zhdukur, të cilat prej më shumë se dy dekadash vazhdojnë të kërkojnë zbardhjen e fatit dhe vendndodhjen e më të dashurve të tyre.























