Haxhiu mirëpret marrëveshjen VV-LDK për presidentin: Hap i rëndësishëm
BKT
Lajme

Haxhiu mirëpret marrëveshjen VV-LDK për presidentin: Hap i rëndësishëm

N.M. /RTKlive

Ushtruesja e detyrës së presidentes së Kosovës, Albulena Haxhiu, ka mirëpritur marrëveshjen e arritur sot ndërmjet Lëvizjes Vetëvendosje dhe Lidhjes Demokratike të Kosovës për kandidatin për president të Republikës.

Përmes një postimi, Haxhiu e ka cilësuar dakordimin si një hap të rëndësishëm drejt tejkalimit të ngërçit politik dhe funksionalizimit të plotë të institucioneve.

“Tani është me rëndësi që ky proces të përmbyllet në Kuvend, me përgjegjësinë që kërkon momenti dhe interesi i Republikës”, ka shkruar Haxhiu.

Ndryshe, Bekim Sejdiu është emri konsensual i propozuar për kandidat për president të Kosovës. Emri i tij u bë publik nga kryetari i Lidhjes Demokratike të Kosovës (LDK), Lumir Abdixhiku.


MË SHUME NGA Lajme