Arteta kritikon gjyqtarët pas fitores së Arsenal ndaj Sunderland
Uran Krasniqi / RTKLive
Trajneri i Arsenal, Mikel Arteta, ka kritikuar ashpër vendimin për penalltinë e akorduar për Sunderland, duke thënë se vendime të tilla mund t’i kushtojnë skuadrës titullin në Premier League.
Arsenal fitoi 2:0 në udhëtim falë golave të Bruno Guimaraes dhe Bukayo Saka, por momenti më i diskutueshëm erdhi në fillim të pjesës së dytë.
Gjyqtari akordoi penallti për Sunderland pas një dueli mes Ezri Konsa dhe Dan Ballard, ndërsa Arteta beson se VAR-i duhej të ndërhynte.
“E kam parë njëzet herë herë dhe nuk mund ta kuptoj si u dha ajo penallti. Në këtë nivel, me gjithë punën që bëjmë, kjo nuk mund të ndodhë”, ka thënë trajneri spanjoll.
Arsenali shpëtoi falë portierit David Raya, i cili priti penalltinë e Enzo Le Fees.
Vetëm dy minuta më vonë, Bruno Guimaraes e ka shënuar golin e parë me fanellën e Arsenal, ndërsa Saka e ka vulosur fitoren me penallti në kohën shtesë.
Arteta ka vlerësuar paraqitjen e mesfushorit brazilian, i cili hyri në lojë pas pushimit.
“Ai tregoi personalitet të madh. Goli ishte i jashtëzakonshëm, ndërsa pasimi që çoi te penalltia ishte po ashtu fantastik”, ka thënë ai.
Me fitoren e katërt në po aq ndeshje, kampioni në fuqi, Arsenal, kryeson tabelën me tri pikë më shumë se ndjekësit.























