Sadiku siguron medalje evropiane
BKT
Sport

Sadiku siguron medalje evropiane

Sh.Ç/RTKlive

Boksierja kosovare Donjeta Sadiku ka siguruar medalje në Kampionatin Evropian të boksit “Sofia 2026”.

Sadiku ka triumfuar të mërkurën në çerekfinale ndaj holandezes Maud van der Toorn, të cilën e mposhti bindshëm me rezultatin 5:0.

Me këtë fitore, Sadiku ka siguruar medalje evropiane, ndërsa tani e pret dueli i gjysmëfinales në kategorinë deri në 60 kilogramë.

Në gjysmëfinale, boksierja kosovare do të përballet me përfaqësuesen e Serbisë, rusen Kristina Kuluhova.

Sadiku dhe Kuluhova janë përballur edhe në finalen e Lojërave Mesdhetare “Taranto 2026”, ku triumf kishte regjistruar boksierja kosovare.