Nura lirohet pas ndalimit në kufi, merr pjesë në konferencën në Bujanoc
A. S. /RTK
Kryetari i Rrjetit Global të Bizneseve Shqiptare, Omer Nura, është liruar pasi ishte ndaluar nga Policia serbe në pikën kufitare Dheu i Bardhë.
Nura ishte ndaluar derisa po udhëtonte drejt Bujanocit, ku ishte nisur për të marrë pjesë në konferencën ekonomike “Ekonomia shpëton Luginën”.
Pas lirimit, Nura ka arritur në Bujanoc dhe i është bashkuar konferencës, e cila po mbahet me pjesëmarrjen e përfaqësuesve të bizneseve shqiptare nga Lugina e Preshevës, Kosova, Shqipëria dhe diaspora.
Ndalimi i tij ishte konfirmuar më herët për RTK-në nga Xhelal Mehmeti, kryetar i Unionit të Afaristëve të Luginës së Preshevës.
Policia serbe ndalon në kufi kryetarin e Rrjetit Global të Bizneseve Shqiptare

Policia serbe ka ndaluar në pikën kufitare Dheu i Bardhë, Omer Nurën, kryetar i Rrjetit Global të Bizneseve Shqiptare.
Lajmi është konfirmuar për RTK-në nga Xhelal Mehmeti, kryetar i Unionit të Afaristëve të Luginës së Preshevës.
Nura ishte nisur për të marrë pjesë në një konferencë ekonomike që po mbahet sot në Bujanoc.
Ende nuk dihen arsyet e ndalimit, ndërsa nuk është bërë e ditur se sa do të zgjasë procedura policore.























