12:22 / 28.09.2026
Kurti uron ‘Siparantum’ për fitoren e trefishtë në Mal të Zi
M.P. / RTKlive
Kryeministri Albin Kurti ka uruar Korin “Siparantum” për fitoren e trefishtë në Park Hall në Herceg Novi, të Malit të Zi.
“Në Kategorinë C2 - Kore të Përziera, në konkurrencë me dy kore nga Serbia dhe dy kore nga Mali i Zi, Siparantum Choir fitoi vendin e parë me 97 pikë, duke u shpallur Fitues i Kategorisë.
Çmimi për Interpretimin të Jashtëzakonshëm në kompozim Bashkëkohor
Çmimi për Dirigjentin më Premtues - Memli Kelmendi
Vendi i Parë - 97 pikë dhe Fitues i Kategorisë C2”, ka shkruar Kurti.
Para një muaji, Kori nga Peja arriti të marrë gjithashtu tre çmime në Malaysian Choral Festival 2026, në Kuala Lumpur të Malajzisë.























