Kurti kërkon mbështetjen gjermane për avancimin e Kosovës drejt BE-së
BKT
Lajme

Kurti kërkon mbështetjen gjermane për avancimin e Kosovës drejt BE-së

M.P. / RTKlive

Kryeministri Albin Kurti, priti në takim Anton Hofreiter, Kryetar i Komisionit për Çështjet e Bashkimit Evropian në Bundestagun Gjerman.

“Kryeministri Kurti kërkoi mbështetjen e Gjermanisë për statusin e merituar shtet kandidat për anëtarësim në Bashkimin Evropian, duke shtuar se Kosova ka shënuar përparim të rëndësishëm në demokraci, sundimin e ligjit, siguri dhe ekonomi”, thuhet në njoftimin e Qeverisë së Kosovës.

Kryeministri Kurti e falënderoi Dr. Hofreiter për vizitën dhe shprehu gatishmërinë për vazhdimin dhe thellimin e mëtejmë të bashkëpunimit të ndërsjellë me Bundestagun Gjerman.

“Zhvillimet aktuale në vend, integrimet evropiane, çështjet e sigurisë dhe bashkëpunimi rajonal, ishin temë e takimit ndërmjet Kryeministrit Kurti dhe Kryetarit Hofreiter”, vazhdon njoftimi.


MË SHUME NGA Lajme